Cyfarwyddyd ar ddatblygu
syniad cynllun ar gyfer cefnogaeth ariannol o Gronfa Amcan 1
Cam 1
1. Meddwl
am syniad ar gyfer cynllun
Gall ddod oddi wrth unigolion, grwpiau a
sefydliadau a hefyd oddi-wrth is-grwpiau Partneriaeth Economaidd Gwynedd(PEG)
2.
Cysylltu efo ysgrifenyddiaeth PEG yn Uned Ewrop Cyngor Gwynedd
Dylid cysylltu
gyda’r ysgrifenyddiaeth i sicrhau cymhwyster y prosiect i dderbyn arian
Amcan 1. Os na fydd y prosiect
yn gymwys am Amcan 1, ceisir eich rhoi mewn cysylltiad â chyrff perthnasol
eraill
3. Cryfhau
y syniad
Os yn gymwys bydd Swyddog
Achos yn cael ei benodi i gynnig cymorth a chyngor i’r ymgeisydd gan ei
r/hoi mewn cysylltiad a chyrff eraill os yn berthnasol.
4. Llenwi
profforma prosiect
Bydd y
manylion ar y profforma yn cael eu defnyddio gan îs-grŵp asesu PEG a Grŵp
Llywio’r Bartneriaeth i wneud penderfyniad ar p'unai i gefnogi a
chymeradwyo’r cynllun ai peidio. Bydd
y Swyddog Achos penodedig yn rhoi cyngor ac yn gweithio gyda chi fel sydd
angen i’ch cynorthwyo wrth gwblhau’r ffurflen hon. Dylid
ystyried dogfennau lleol a rhanbarthol yma wrth ysgrifennu'r profforma.
5. Anfon y
profforma at grŵp asesu PEG drwy’r Ysgrifenyddiaeth
Bydd yr
ysgrifenyddiaeth yn gyrru’r profforma allan at is‑grwpiau eraill y
Bartneriaeth i dderbyn eu cefnogaeth a’u sylwadau cyn cyfarfod yr îs-grŵp
asesu. Bydd y grŵp asesu yn rhoi argymhelliad ar bob cais yn seiliedig ar
feini prawf cyhoeddedig gan WEFO. Byddent yn edrych yn ogystal am unrhyw
ddyblygiad a’r posibilrwydd o ymuno cynlluniau.
Gwahoddir ymgeiswyr
i’r cyfarfod hwn i ateb unrhyw gwestiynau ychwanegol er mwyn cyflymu’r
broses ymgeisio.
6.
Penderfyniad gan Grŵp Llywio PEG
Yn seiliedig ar
argymhellion y grŵp asesu, bydd y Grŵp Llywio yn dod i benderfyniad
p’unai i gefnogi'r prosesu au peidio. Bydd llythyr yn cael ei anfon
atoch i gadarnhau y penderfyniad hwn. Os na dderbyniwyd cefnogaeth, bydd y
rhesymau dros y penderfyniad yn cael eu hesbonio a bydd y Swyddog Achos wrth
law i roi cyngor i chi ar eich opsiynau.
Os yn llwyddiannus anfonir eich profforma at y Bartneriaeth Ranbarthol
perthnasol gan eich Swyddog Achos er mwyn sicrhau cysondeb gyda strategaethau
rhanbarthol.
Cam
2
1.
Cwblhau cais llawn Amcan 1 (ESF/ERDF/EAGGF/FIFG)
Gyda chymorth y
Swyddog Achos byddwch yn llenwi y cais llawn er mwyn ei gyflwyno i WEFO o fewn
3 mis o dderbyn llythyr cefnogaeth gan PEG.
Bydd sylwadau gan
PEG a’r Partneriaeth Ranbarthol yn cael eu cynnwys yma.
2.
Anfon copi o’r ffurflen gais lawn at Uned Ewrop Cyngor Gwynedd
Wedi cwblhau y
ffurflen gais lawn dylid anfon dau gopi at eich Swyddog Achos. Bydd y Swyddog
Achos yn gyfrifol am yrru’r cais at y pwynt cyswllt perthnasol yn WEFO
ynghyd â llythyr yn cadarnhau cefnogaeth PEG.
3.
Gwerthusiad Ffurfiol gan WEFO
Bydd
WEFO yn gwerthuso eich cais yn unol a chanllawiau perthnasol ac yn rhoi sgôr
terfynol i’r cais. Byddant yn gofyn am fwy o wybodaeth gan yr ymgeisydd fel
bo’r angen er mwyn iddynt allu cymeradwyo’r cais.
Gellid gofyn am
gefnogaeth y Swyddog Achos gyda unrhyw ymholiadau.
4.
Ystyried y cynllun gan y Bartneriaeth
Strategol Berthnasol
Bydd
WEFO yn cyflwyno eu safbwynt a’u gwerthusiad i’r Bartneriaeth Strategol
berthnasol ar y prosiect a bydd y Bartneriaeth yn cymryd i ystyriaeth barn PEG
a’r Partneriaethau Rhanbarthol cyn dod i benderfyniad.
Disgwylir
derbyn penderfyniad gan WEFO cyn pen 3 mis o yrru’r cais atynt.
5.
Derbyn hysbysiad swyddogol am y penderfyniad
Bydd WEFO yn anfon
llythyr yn amlinellu’r penderfyniad at yr ymgeisydd ac yn rhoi gwybod i PEG:
- Ymgeisydd llwyddiannus yn derbyn cytundeb.
- Ymgeisydd aflwyddiannus yn gorfod adolygu’r cais.
6.
Derbyn cytundeb gan WEFO
Mae gofyn i
ymgeisydd llwyddiannus arwyddo cytundeb a derbyn holl reoliadau ac amodau
derbyn nawdd Ewropeaidd Amcan 1.
Os bydd rhaid i’r
ymgeisydd ymgymryd ag unrhyw newidiadau o fewn y cais, neu fod pryderon
ynghylch gweithredu’r cais dylid cysylltu â WEFO a’r Swyddog Achos cyn
gynted â bo modd.
Ffurflen Cyflwyno
Syniad (Adobe Acrobat)
|
